Блог Ирины.

Тропарь, глас 4:

Днесь ра́достно лику́ет Це́рковь Ру́сская, прославля́ющи новому́ченики и испове́дники своя́: святи́тели и иере́и, ца́рственныя страстоте́рпцы, благове́рныя кня́зи и княги́ни, преподо́бныя му́жи и жены́ и вся правосла́вныя христиа́ны, во дни гоне́ния безбо́жнаго жизнь свою́ за ве́ру во Христа́ положи́вшия и кровьми́ и́стину соблю́дшия. Тех предста́тельством, долготерпели́ве Го́споди, страну́ на́шу в Правосла́вии сохрани́ до сконча́ния ве́ка.

Кондак, глас 3:

Днесь новому́ченицы Росси́йстии в ри́зах бе́лых предстоя́т А́гнцу Бо́жию и со А́нгелы пе́снь побе́дную воспева́ют Бо́гу: благослове́ние, и сла́ва, и прему́дрость, и хвала́, и честь, и си́ла, и кре́пость на́шему Бо́гу во ве́ки веко́в. Ами́нь.

Молитва:

О святи́и новому́ченицы и испове́дницы Росси́йстии: святи́телие и па́стырие Це́ркве Христо́вы, ца́рственные страстоте́рпцы, благове́рнии кня́зие и княги́ни, до́блии во́ини, мона́си и мирсти́и, благочести́вии му́жие и жены́, во вся́цем во́зрасте и сосло́вии за Христа́ пострада́вшии, ве́рность Ему́ да́же до сме́рти свиде́тельствовавшии и вене́ц жи́зни от Него́ прия́вшии! Вы во дни гоне́ния лю́таго, зе́млю на́шу от безбо́жных пости́гшаго, на суди́щах, в заточе́ниих и про́пастех земны́х, в го́рьких рабо́тах и вся́ких ско́рбных обстоя́ниих о́браз терпе́ния и непосты́днаго упова́ния му́жественне яви́ли есте́. Ны́не же, в раи́ сла́дости наслажда́ющеся, пред Престо́лом Бо́жиим во сла́ве предстои́те и при́сно хвалу́ и хода́тайство со А́нгелы и все́ми святы́ми Триеди́ному Бо́гу возно́сите. Сего́ ра́ди мы, недосто́йнии, мо́лим вас, святи́и сро́дницы на́ши: не забу́дите земна́го оте́чества ва́шего, грехо́м Ка́инова братоуби́йства, поруга́нием святы́нь, безбо́жием и на́шими беззако́нии отягче́ннаго. Умоли́те Го́спода Сил, да утверди́т Це́рковь Свою́ непоколеби́му в ми́ре сем многомяте́жнем и лука́вом; да возроди́т в земли́ на́шей дух ра́зума и благоче́стия, дух свя́тости и стра́ха Бо́жия, дух братолю́бия и ми́ра; да па́ки бу́дем мы ца́рское свяще́ние, род Бо́жий, избра́нный и святы́й, при́сно с ва́ми сла́вящий Отца́ и Сы́на и Свята́го Ду́ха во ве́ки веко́в. Ами́нь.

Величание:

Велича́ем вас, святи́и новому́ченицы и испове́дницы Росси́йстии, и чтим честна́я страда́ния ва́ша, я́же за Христа́ претерпе́ли есте́.

Кондак, глас 3:

Днесь све́тло лику́ет град свята́го Петра́, я́ко мно́жество скорбя́щих обрета́ют утеше́ние, на твоя́ моли́твы наде́ющеся, Ксе́ние всеблаже́нная, ты бо еси́ гра́ду сему́ похвало́ и утвержде́ние.


Молитва :

О свята́я уго́дница Бо́жия блаже́нная Ксе́ния! При́зри ми́лостиво твои́м о́ком на нас, раб Бо́жиих (имена), честно́й твое́й ико́не уми́льно моля́щиеся и прося́щие у тебе́ по́мощи и заступле́ния. Простри́ ко Го́споду Бо́гу на́шему те́плыя твоя́ моли́твы и испроси́ душа́м на́шим оставле́ние прегреше́ний. Се бо мы се́рдцем сокруше́нным, и ду́хом смире́нным тебе́ хода́таицу ми́лостивую ко Влады́це и моли́твенницу за ны, гре́шныя, призыва́ем, я́ко ты прия́ла еси́ от Него́ благода́ть моли́тися за ны и от бед избавля́ти. Тебе́ у́бо про́сим, не пре́зри нас недосто́йных, моля́щихся тебе́ и твое́й по́мощи тре́бующих, и исходата́йствуй всем вся ко спасе́нию поле́зная, я́ко да твои́ми ко Го́споду Бо́гу моли́твами получи́вши благода́ть и ми́лость просла́вим всех благи́х Исто́чника и Даропода́теля и Бо́га Еди́наго, в Тро́ице Святе́й сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Величание :

Велича́ем тя, свята́я блаже́нная ма́ти Ксе́ние, и чтим святу́ю па́мять твою́, ты бо мо́лиши о нас Христа́ Бо́га на́шего.

Тропарь, глас 1:

Пусты́нный жи́тель и во пло́ти А́нгел, и чудотво́рец яви́лся еси́, Богоно́се о́тче наш Мака́рие, посто́м, бде́нием, моли́твою, Небе́сная дарова́ния прии́м, исцеля́еши неду́жныя и ду́ши ве́рою приходя́щих ти́. Сла́ва Да́вшему тебе́ кре́пость, сла́ва Венча́вшему тя, сла́ва Де́йствующему тобо́ю все́м исцеле́ния.

Кондак, глас 4:

В дому́ Госпо́дь воздержа́ния вои́стинну тя положи́, я́коже звезду́ непреле́стную, световодя́щу концы́, о́тче отце́в, Мака́рие преподо́бне.

Ин кондак, глас 1:

Блаже́нную жизнь сконча́в в житии́ с му́ченическими ли́ки, в земли́ кро́тких досто́йно водворя́ешися, Богоно́сне Мака́рие, и пусты́ню, я́коже град насели́в, благода́ть прия́л еси́ от Бо́га чуде́с, те́мже тя почита́ем.

Молитва

О преподо́бне о́тче Мака́рие! Мо́лим тя мы, недосто́йные, испроси́ предста́тельством твои́м у Всеми́лостиваго Бо́га на́шего нам здра́вие душе́вное и теле́сное, ти́хое и богоуго́дное житие́ и до́брый отве́т на Стра́шнем Суде́ Христо́ве. Угаси́ моли́твами твои́ми разжже́ные на рабо́в Бо́жиих (имена) стре́лы диа́вольския, да не прико́снется нам зло́ба грехо́вная, да благоче́стно сконча́вше вре́менное житие́, сподо́бимся насле́довати Ца́рствие Небе́сное и ку́пно с тобо́ю сла́вити Отца́ и Сы́на и Свята́го Ду́ха во ве́ки веко́в. Ами́нь.

Тропарь, глас 4:

Ревни́теля Илию́ нра́вы подра́жая, Крести́телю пра́выми стезя́ми после́дуя, о́тче Анто́ние, пусты́ни был еси жи́тель, и вселе́нную утверди́л еси́ моли́твами твои́ми. Те́мже моли́ Христа́ Бо́га, спасти́ся душа́м на́шим.

Кондак, глас 2:

Жите́йския молвы́ отри́нув, безмо́лвно житие́ сконча́л еси́, Крести́теля подража́яй вся́ким о́бразом преподо́бнейший, с ним у́бо тя почита́ем, отце́в нача́льниче Анто́ние.

Об избавлении жителей Ленинграда от блокады молились многие. Были молитвенники, которые брали на себя особые духовные подвиги. Среди них подвижник XX века митрополит Зиновий (Мажуга), воспитанник знаменитой Глинской пустыни. Вот что поведал он о совпадении даты снятия блокады Ленинграда с памятью равноапостольной Нины.

«Многие народы скорбели, молились, помогали, как могли, осаждённому и гибнущему населению Ленинграда.

…В те дни однажды мне под утро привиделось, как святая равноапостольная Нина предстоит пред престолом Божиим на коленях и молит Господа помочь страдающим людям осаждённого города одолеть супостата. И при этом из её глаз по щекам катились крупные, величиной с виноградину, словно хрустальные, слёзы. Я это растолковал так, что Божия Матерь дала послушание святой Нине быть споручницей этому осаждённому городу.

Издревле на Руси считалось: в день какого святого одержана победа над врагом, значит, этот святой и способствовал ей. И посему жители Петербурга в знак Божией милости к ним и в знак признательности святой Нине за её предстательство пред Господом в каждом храме должны иметь образы святой Нины с соответствующей надписью в память полного снятия блокады, чтобы потомки помнили и знали о наших скорбях и радостях. Ну, а если храм созиждут в память св. равноапостольной Нины и всех мучеников блокадных, то благо будет им и потомкам их».

В Петербурге возведён храм в честь святой равноапостольной Нины рядом с аллеей Славы в Полежаевском парке города. Церковь возведена рядом с линией фронта Великой Отечественной войны, где остановили врага.

О свята́я му́ченице Татиа́но, приими́ ны́не нас, моля́щихся и припа́дающих к свято́й ико́не твое́й. Моли́ся о нас, рабе́х Бо́жиих (имена), да изба́вимся вся́ких скорбе́й и боле́зней душе́вных и теле́сных и благоче́стне поживе́м в настоя́щем житии́, и в бу́дущем ве́ке сподо́би нас со все́ми святы́ми поклоня́тися в Тро́ице сла́вимому Бо́гу, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Тропарь, глас 1:

Во Иорда́не креща́ющуся Тебе́, Го́споди, Тро́йческое яви́ся поклоне́ние: Роди́телев бо глас свиде́тельствоваше Тебе́, возлю́бленнаго Тя Сы́на имену́я, и Дух в ви́де голуби́не, изве́ствоваше словесе́ утвержде́ние. Явле́йся Христе́ Бо́же, и мир просвеще́й, сла́ва Тебе́.

Кондак, глас 4:

Яви́лся еси́ днесь вселе́нней, и свет Твой, Го́споди, зна́менася на нас, в ра́зуме пою́щих Тя: прише́л еси́, и яви́лся еси́, Свет Непристу́пный.

Величание:

Велича́ем Тя, Живода́вче Христе́, нас ра́ди ны́не пло́тию крести́вшагося от Иоа́нна в вода́х Иорда́нских.

О вели́кий и пресвяты́й святи́телю, о́тче Васи́лие! При́зри от высо́т небе́сных на нас, раб Бо́жиих (имена), и умоли́ Го́спода, Его́же ве́рный на земли́ служи́тель был еси́, да да́рует нам ве́ры пра́выя тве́рдое и неизме́нное сохране́ние, Це́ркви Святе́й послуша́ние, жития́ на́шего исправле́ние и во всех ну́ждах, скорбе́х и искуше́ниях ско́рое поможе́ние, терпе́ние же и укрепле́ние. Пода́ждь нам твое свято́е благослове́ние, да о́ным осеня́емии во вся дни богоуго́дно в ми́ре и покая́нии поживе́м и во Ца́рствии Небе́снем сподо́бимся ку́пно с тобо́ю и со все́ми святы́ми Живонача́льную Тро́ицу, Отца́ и Сы́на и Свята́го Ду́ха, воспева́ти и сла́вити во ве́ки веко́в. Ами́нь.

Тропарь, глас 4:

Рождество́ Твое́, Христе́ Бо́же наш, возсия́ ми́рови свет ра́зума, в нем бо звезда́м служа́щии, звездо́ю уча́хуся, Тебе кла́нятися Со́лнцу Пра́вды, и Тебе́ ве́дети с высоты́ восто́ка: Го́споди, сла́ва Тебе́.

Кондак, глас 3:

Де́ва днесь Пресу́щественнаго ражда́ет, и земля́ верте́п Непристу́пному прино́сит, А́нгели с па́стырьми славосло́вят, волсви́ же со звездо́ю путеше́ствуют: нас бо ра́ди роди́ся Отроча́ Мла́до, Преве́чный Бог.

Величание

Велича́ем Тя, Живода́вче Христе́, нас ра́ди ны́не пло́тию Ро́ждшагося от Безневе́стныя и Пречи́стыя Де́вы Мари́и.

Задостойник

Велича́й, душе́ моя́, Честне́йшую и Сла́внейшую Го́рних во́инств, Де́ву Пречи́стую, Богоро́дицу.

Люби́ти у́бо нам, я́ко безбе́дное стра́хом, удо́бее молча́ние, любо́вию же, Де́во, пе́сни тка́ти, спротяже́нно сло́женныя, неудо́бно есть; но и, Ма́ти, си́лу, ели́ко есть произволе́ние, да́ждь.

Молитва ко Святителю Спиридону.

О преблаже́нне святи́телю Спиридо́не! Умоли́ благосе́рдие Человеколю́бца Бо́га, да не осу́дит нас по беззако́нием на́шим, но да сотвори́т с на́ми по ми́лости Свое́й. Испроси́ нам, раба́м Бо́жиим (имена), у Христа́ и Бо́га на́шего ми́рное и безмяте́жное житие́, здра́вие душе́вное и теле́сное. Изба́ви нас от вся́ких бед душе́вных и теле́сных, от всех томле́ний и диа́вольских наве́тов. Помина́й нас у престо́ла Вседержи́теля и умоли́ Го́спода, да пода́ст мно́гих на́ших грехо́в проще́ние, безбе́дное и ми́рное житие́, да да́рует нам, кончи́ны же живота́ непосты́дныя и ми́рныя и блаже́нства ве́чнаго в бу́дущем ве́це сподо́бит нас, да непреста́нно возсыла́ем сла́ву и благодаре́ние Отцу́ и Сы́ну и Ду́ху Свято́му, ны́не и при́сно и во ве́ки веко́в. Ами́нь.