Блог Ирины.

Се́де Ада́м пря́мо рая́, и свою́ наготу́ рыда́я пла́каше: увы́ мне, пре́лестию лука́вою увеща́нну бы́вшу и окра́дену и сла́вы удале́ну! Увы́ мне, простото́ю на́гу, ны́не же недоуме́нну! Но о раю́, ктому́ твоея́ сла́дости не наслажду́ся: ктому́ не узрю́ Го́спода и Бо́га моего́ и Созда́теля: в зе́млю бо пойду́, от нея́же и взят бых. Ми́лостиве ще́дрый, вопию́ Ти: поми́луй мя па́дшаго.



Сел Адам напротив рая и свою наготу, сетуя, оплакивал: "Увы мне, обману лукавого поверившему, и ограбленному, и от славы удаленному! Увы мне, по простоте обнаженному и ныне недоумевающему! Но, о рай, больше я твоею роскошью не наслажусь, больше не увижу Господа и Бога моего и Создателя; ибо в землю отойду, из которой и был взят. Милостивый, Сострадательный, взываю Тебе: Помилуй меня падшего!"


Изгнание Адама из Рая.

Святитель Николай Сербский.

Адам, скрестивши руки, встал за дверями рая,
Изгнанник, слезы льет он, в мученьях воздыхая;
Все Ангелы небесные, друзья его заветные,
Умчались вдаль стремительно, как грезы мимолетные.
Когда-то власть имел он- теперь вкусил позор,
Когда-то был он счастлив- теперь потупил взор.

Громко Адам возрыдал на студеной скале:
- Горе падшему мне и чадам моим на земле!
Во едино мгновенье презрел я Святого Творца,
Не увижу отныне Его я благого лица.
Вся тварь меня впредь презирать не устанет,
Вся природа теперь на меня здесь восстанет,
Днем и ночью, веками, и в стужу, и в зной-
Вместо Бога злой змей будет в дружбе со мной!
Вместо власти над всяким созданием Божьим,
Надо мной оно впредь будет властвовать тоже:
Бурный вихрь, суховей- все стихии природы,
Змеи, скорпионы, гады различной породы,
Нет свободы, лишь ужас объемлет везде,
Мутит мысль, леденящей тревогой терзает
Душу, сердце- доходит до мозга костей,
И вся жизнь моя медленно чахнет и тает.
Лишь один есть Господь, кто избавить мя может,
Но Его оскорбил я -помилуй мя, Боже!

Тропарь, глас 2:

Ве́лия ве́ры исправле́ния, во исто́чнице пла́мене, я́ко на воде́ упокое́ния, святы́й му́ченик Фео́дор ра́довашеся: огне́м бо всесоже́гся, я́ко хлеб сла́дкий Тро́ице принесе́ся. Того́ моли́твами, Христе́ Бо́же, спаси́ ду́ши на́ша.

Кондак, глас 8:

Ве́ру Христо́ву, я́ко щит, внутрь прии́м в се́рдце твое́м, проти́вныя си́лы попра́л еси́ многострада́льче, и венце́м Небе́сным венча́лся еси́ ве́чно, Фео́доре, я́ко непобеди́мый.

Тропарь преподобному Стефану, в иночестве Симеону, царю Сербскому, Мироточивому, глас 3:

Боже́ственною благода́тию просвети́вся, и по сме́рти показу́еши све́тлость жития́ твоего́, источа́еши бо ми́ро благоуха́ния притека́ющим к ра́це моще́й твои́х, и лю́ди твоя́ наста́вил еси́ к све́ту Богоразу́мия, Симео́не о́тче наш, Христа́ Бо́га моли́ дарова́ти нам ве́лию ми́лость.

Кондак, глас 6:

А́нгельское возлюби́в на земли́ житие́, миродержа́ние и мир оста́вив, поще́нием Христу́, Симео́не, после́довал еси́, к Нему́же, лю́бящих тя апо́стольски наста́вил еси́, вопия́: возлюби́те Бо́га, я́коже Он возлюби́л нас.

Ин кондак, глас 2:

И́го Христо́во прие́м, Симео́не, и, Того́ крест взем, после́довал Ему́ насажде́н в дому́ Госпо́днем, процвете́, я́ко фи́никс, я́коже кедр, и́же в Лива́не, умно́жил еси́ ча́да твоя́, муж жела́ний духо́вных, чудотво́рец бо яви́ся, Христа́ Бо́га моли́ непреста́нно о всех нас.


Величание преподобному Симеону Мироточивому:

Ублажа́ем тя, преподо́бне о́тче Симео́не, и чтим святу́ю па́мять твою́, наста́вниче мона́хов и собесе́дниче а́нгелов.

Тропарь, глас 4:

Воинствосло́вием и́стинным, стpастоте́pпче, Небе́снаго Цаpя́ воево́да пpедо́бpый был еси́, Фео́доpе: оpу́жиями бо ве́pы ополчи́лся еси́ му́дpенно и победи́л еси́ де́монов полки́, и победоно́сный яви́лся еси́ стpада́лец. Те́мже тя ве́pою пpи́сно ублажа́ем.

Кондак, глас 2:

Му́жеством души́ в ве́ру оболки́йся, и глаго́л Бо́жий а́ки копие́ в ру́ку взем, врага́ победи́л еси́, му́чеников преве́лий Фео́доре, с ни́ми Христу́ Бо́гу моля́ся не преста́й о всех нас.

Молитва:

О святы́й, сла́вный и всехва́льный великому́чениче Фео́доре Стратила́те! Мо́лим тя пред ико́ною твое́ю свято́ю: моли́ с на́ми и о нас, раб Бо́жиих (имена), умоля́емаго от Своего́ благосе́рдия Бо́га, да ми́лостивно услы́шит нас, благосты́ни у Него́ прося́щих, и вся на́ша ко спасе́нию и житию́ ну́жная проше́ния да испо́лнит. Еще́ же мо́лим тя, святы́й победоно́сче Фео́доре Стратила́те, разруши́ си́лы возстаю́щих на ны враго́в, ви́димых и неви́димых. Умоли́ же Го́спода Бо́га, всея́ тва́ри Созда́теля, изба́вити нас от ве́чнаго муче́ния, да всегда́ прославля́ем Отца́ и Сы́на и Свята́го Ду́ха и твое́ испове́дуем предста́тельство, ны́не и при́сно и во ве́ки веко́в. Ами́нь.

Появление этой иконы связано с одной очень древней историей, датированной VI веком по Рождеству Христову. В некоем архиерейском доме служил эконом - весьма честный и благочестивый человек. И вдруг его обвинили в том, что он нечист на руку, и выгнали. Обида так взыграла в иноке, что он возроптал на Бога и Богородицу и заключил союз с дьяволом, подписав с ним хартию. И вот уже на грани погибели он ужаснулся тому, что натворил, опомнился и стал думать, что делать. Тогда он затворяется в храме, не велит туда никого пускать и отчаянно молится перед образом Божией Матери, называя Ее "Взыскание погибших". Молитва была такой горячей, горе таким отчаянным, а раскаяние настолько глубоким и искренним, что Царица Небесная вняла просьбам Феофила (так звали инока) и, возвестив о прощении грехов, вернула подписанную им страшную хартию.


Тропарь, глас 7:

Ра́дуйся, Благода́тная Богоро́дице Де́во, во объя́тиях Cвои́х Предве́чнаго Младе́нца и Бо́га носи́вшая. Проси́ Его́ да́ти ми́ру умире́ние и душа́м на́шим спасе́ние. Сын бо Тебе́, Богома́ти, веща́ет, я́ко вся проше́ния Твоя́ во благо́е испо́лнит. Сего́ ра́ди и мы припа́дающе, мо́лимся и наде́ющиися на Тя, да не поги́бнем, и́мя Твое́ имену́ем: Ты бо еси́ Влады́чице, Взыска́ние поги́бших.

Ин тропарь, глас 4:

Взыщи́ нас, погиба́ющих, Пресвята́я Де́во, не по грехо́м бо на́шим наказу́еши нас, но по человеколю́бию ми́луеши, изба́ви нас от а́да, боле́зни и ну́жды и спаси́ нас.

Кондак, глас 6:

Не и́мамы ины́я по́мощи, не и́мамы ины́я наде́жды, ра́зве Тебе́, Пречи́стая Де́во, Ты нам помози́, на Тебе́ наде́емся и Тобо́ю хва́лимся, Твои́ бо есмы́ раби́, да не постыди́мся.


Молитва:

Засту́пнице Усе́рдная, Благоутро́бная Го́спода Ма́ти, к Тебе́ прибега́ю аз, окая́нный и па́че всех челове́к грешне́йший; вонми́ гла́су моле́ния моего́, вопль мой и стена́ние услы́ши. Я́ко беззако́ния моя́ превзыдо́ша главу́ мою́, и аз, я́коже кора́бль в пучи́не, погружа́юся в мо́ре грехо́в мои́х. Но Ты, Всеблага́я и Милосе́рдная Влады́чице, не пре́зри мене́, отча́яннаго и во гресе́х погиба́ющаго; поми́луй мя, ка́ющагося в злых де́лех мои́х, и обрати́ на путь пра́вый заблу́дшую окая́нную ду́шу мою́. На Тебе́, Влады́чице моя́, Богоро́дице, возлага́ю все упова́ние мое́. Ты, Ма́ти Бо́жия, сохрани́ и соблюди́ мя под кро́вом Твои́м, ны́не и при́сно и во ве́ки веко́в. Ами́нь.

В праздник Сретения Господня Церковь воспоминает важное событие в земной жизни Господа нашего Иисуса Христа. В сороковой день по рождении Богомладенец был принесен в Иерусалимский храм - центр религиозной жизни Богоизбранного народа. По закону Моисееву женщине, родившей младенца мужского пола, в продолжение 40 дней было запрещено входить в храм Божий. После этого срока мать приходила в храм с младенцем, чтобы принести Господу благодарственную и очистительную жертву. Пресвятая Дева, Матерь Божия, не имела нужды в очищении, ибо чудесным образом родила Источник чистоты и святости, но по глубокому смирению Она подчинилась предписанию закона.

В то время в Иерусалиме жил праведный старец Симеон. Когда несколько сот лет назад Священное Писание переводили с еврейского на греческий язык, Симеон был одним из семидесяти переводчиков. Когда он дошёл до строк из Книги пророка Исаии: "Се, Дева во чреве приимет, и родит Сына, и нарекут имя Ему: Еммануил (что означает "С нами Бог")", Симеон усомнился в возможности исполнения пророчества. Ему было откровение, что он не умрет, пока не увидит Христа Спасителя. Сменяли друг друга поколения и целые века, а Симеон всё не умирал. Он уже устал от земной жизни. По внушению свыше, благочестивый старец пришел в храм в то время, когда Пресвятая Богородица и праведный Иосиф, хранитель Её девства, принесли туда Младенца Иисуса, чтобы исполнить законный обряд. Богоприимец Симеон взял Богомладенца на руки, и благословив Бога, изрек пророчество о Спасителе мира: "Ныне отпускаешь раба Твоего, Владыка, по слову Твоему с миром, ибо видели очи мои спасение Твое, которое Ты уготовал пред лицем всех народов, свет к просвещению язычников и славу народа Твоего Израиля". Пресвятой Деве праведный Симеон сказал: "Се лежит Сей на падение и на восстание многих в Израиле и в предмет пререканий, и Тебе Самой оружие пройдет душу, да откроются помышления многих сердец".

В храме была также 84-летняя вдова Анна пророчица, дочь Фануилова, "которая не отходила от храма, постом и молитвой служа Богу день и ночь. И она в то время, подойдя, славила Господа и говорила о Нем (Богомладенце) всем, ожидавшим избавления в Иерусалиме" (Лк. 2, 37 - 38).

До Рождества Христова все праведные мужи и жены жили верой в Грядущего Мессию Спасителя мира и ожидали Его пришествия. Последние праведники уходящего Ветхого Завета - праведный Симеон и Анна пророчица - удостоились встретить в храме Носителя Нового Завета, в Лице Которого уже встретились Божество и человечество.

Молитва ко Преподобному Ефрему Сирину:

О уго́дниче Христо́в, о́тче наш Ефре́ме! Принеси́ моли́тву на́шу к ми́лостивому и всеси́льному Бо́гу и испроси́ нам, раба́м Бо́жиим (имена), у бла́гости Его́ вся я́же на по́льзу душа́м и телесе́м на́шим, ве́ру пра́ву, наде́жду несумне́нну, любо́вь нелицеме́рну, кро́тость и незло́бие, во искуше́ниях му́жество, в злострада́ниях терпе́ние, во благоче́стии преспе́яние, да не во зло обрати́м дары́ Всеблага́го Бо́га. Не забу́ди, чудотво́рче святы́й, и святы́й храм (дом) сей и прихо́д наш: сохрани́ и соблюди́ их моли́твами твои́ми от вся́каго зла. Ей, свя́тче Бо́жий, сподо́би нас кончи́ну благу́ю улучи́ти и Ца́рствие Небе́сное унасле́дити, да просла́вим ди́внаго во святы́х Свои́х Бо́га, Ему́же подоба́ет вся́кая сла́ва, честь и держа́ва, во ве́ки веко́в. Ами́нь.

Тропарь, глас 4:

Днесь ра́достно лику́ет Це́рковь Ру́сская, прославля́ющи новому́ченики и испове́дники своя́: святи́тели и иере́и, ца́рственныя страстоте́рпцы, благове́рныя кня́зи и княги́ни, преподо́бныя му́жи и жены́ и вся правосла́вныя христиа́ны, во дни гоне́ния безбо́жнаго жизнь свою́ за ве́ру во Христа́ положи́вшия и кровьми́ и́стину соблю́дшия. Тех предста́тельством, долготерпели́ве Го́споди, страну́ на́шу в Правосла́вии сохрани́ до сконча́ния ве́ка.

Кондак, глас 3:

Днесь новому́ченицы Росси́йстии в ри́зах бе́лых предстоя́т А́гнцу Бо́жию и со А́нгелы пе́снь побе́дную воспева́ют Бо́гу: благослове́ние, и сла́ва, и прему́дрость, и хвала́, и честь, и си́ла, и кре́пость на́шему Бо́гу во ве́ки веко́в. Ами́нь.

Молитва:

О святи́и новому́ченицы и испове́дницы Росси́йстии: святи́телие и па́стырие Це́ркве Христо́вы, ца́рственные страстоте́рпцы, благове́рнии кня́зие и княги́ни, до́блии во́ини, мона́си и мирсти́и, благочести́вии му́жие и жены́, во вся́цем во́зрасте и сосло́вии за Христа́ пострада́вшии, ве́рность Ему́ да́же до сме́рти свиде́тельствовавшии и вене́ц жи́зни от Него́ прия́вшии! Вы во дни гоне́ния лю́таго, зе́млю на́шу от безбо́жных пости́гшаго, на суди́щах, в заточе́ниих и про́пастех земны́х, в го́рьких рабо́тах и вся́ких ско́рбных обстоя́ниих о́браз терпе́ния и непосты́днаго упова́ния му́жественне яви́ли есте́. Ны́не же, в раи́ сла́дости наслажда́ющеся, пред Престо́лом Бо́жиим во сла́ве предстои́те и при́сно хвалу́ и хода́тайство со А́нгелы и все́ми святы́ми Триеди́ному Бо́гу возно́сите. Сего́ ра́ди мы, недосто́йнии, мо́лим вас, святи́и сро́дницы на́ши: не забу́дите земна́го оте́чества ва́шего, грехо́м Ка́инова братоуби́йства, поруга́нием святы́нь, безбо́жием и на́шими беззако́нии отягче́ннаго. Умоли́те Го́спода Сил, да утверди́т Це́рковь Свою́ непоколеби́му в ми́ре сем многомяте́жнем и лука́вом; да возроди́т в земли́ на́шей дух ра́зума и благоче́стия, дух свя́тости и стра́ха Бо́жия, дух братолю́бия и ми́ра; да па́ки бу́дем мы ца́рское свяще́ние, род Бо́жий, избра́нный и святы́й, при́сно с ва́ми сла́вящий Отца́ и Сы́на и Свята́го Ду́ха во ве́ки веко́в. Ами́нь.

Величание:

Велича́ем вас, святи́и новому́ченицы и испове́дницы Росси́йстии, и чтим честна́я страда́ния ва́ша, я́же за Христа́ претерпе́ли есте́.

Кондак, глас 3:

Днесь све́тло лику́ет град свята́го Петра́, я́ко мно́жество скорбя́щих обрета́ют утеше́ние, на твоя́ моли́твы наде́ющеся, Ксе́ние всеблаже́нная, ты бо еси́ гра́ду сему́ похвало́ и утвержде́ние.


Молитва :

О свята́я уго́дница Бо́жия блаже́нная Ксе́ния! При́зри ми́лостиво твои́м о́ком на нас, раб Бо́жиих (имена), честно́й твое́й ико́не уми́льно моля́щиеся и прося́щие у тебе́ по́мощи и заступле́ния. Простри́ ко Го́споду Бо́гу на́шему те́плыя твоя́ моли́твы и испроси́ душа́м на́шим оставле́ние прегреше́ний. Се бо мы се́рдцем сокруше́нным, и ду́хом смире́нным тебе́ хода́таицу ми́лостивую ко Влады́це и моли́твенницу за ны, гре́шныя, призыва́ем, я́ко ты прия́ла еси́ от Него́ благода́ть моли́тися за ны и от бед избавля́ти. Тебе́ у́бо про́сим, не пре́зри нас недосто́йных, моля́щихся тебе́ и твое́й по́мощи тре́бующих, и исходата́йствуй всем вся ко спасе́нию поле́зная, я́ко да твои́ми ко Го́споду Бо́гу моли́твами получи́вши благода́ть и ми́лость просла́вим всех благи́х Исто́чника и Даропода́теля и Бо́га Еди́наго, в Тро́ице Святе́й сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Величание :

Велича́ем тя, свята́я блаже́нная ма́ти Ксе́ние, и чтим святу́ю па́мять твою́, ты бо мо́лиши о нас Христа́ Бо́га на́шего.

Тропарь, глас 1:

Пусты́нный жи́тель и во пло́ти А́нгел, и чудотво́рец яви́лся еси́, Богоно́се о́тче наш Мака́рие, посто́м, бде́нием, моли́твою, Небе́сная дарова́ния прии́м, исцеля́еши неду́жныя и ду́ши ве́рою приходя́щих ти́. Сла́ва Да́вшему тебе́ кре́пость, сла́ва Венча́вшему тя, сла́ва Де́йствующему тобо́ю все́м исцеле́ния.

Кондак, глас 4:

В дому́ Госпо́дь воздержа́ния вои́стинну тя положи́, я́коже звезду́ непреле́стную, световодя́щу концы́, о́тче отце́в, Мака́рие преподо́бне.

Ин кондак, глас 1:

Блаже́нную жизнь сконча́в в житии́ с му́ченическими ли́ки, в земли́ кро́тких досто́йно водворя́ешися, Богоно́сне Мака́рие, и пусты́ню, я́коже град насели́в, благода́ть прия́л еси́ от Бо́га чуде́с, те́мже тя почита́ем.

Молитва

О преподо́бне о́тче Мака́рие! Мо́лим тя мы, недосто́йные, испроси́ предста́тельством твои́м у Всеми́лостиваго Бо́га на́шего нам здра́вие душе́вное и теле́сное, ти́хое и богоуго́дное житие́ и до́брый отве́т на Стра́шнем Суде́ Христо́ве. Угаси́ моли́твами твои́ми разжже́ные на рабо́в Бо́жиих (имена) стре́лы диа́вольския, да не прико́снется нам зло́ба грехо́вная, да благоче́стно сконча́вше вре́менное житие́, сподо́бимся насле́довати Ца́рствие Небе́сное и ку́пно с тобо́ю сла́вити Отца́ и Сы́на и Свята́го Ду́ха во ве́ки веко́в. Ами́нь.