СВЯТИТЕЛЬ ГРИГОРИЙ БОГОСЛОВ.

Тропарь, глас 1:

Па́стырская свире́ль Богосло́вия твоего́ ри́торов победи́ трубы́, я́коже бо глубины́ ду́ха изыска́вшу, и добро́ты веща́ния приложи́шася тебе́. Но моли́ Христа́ Бо́га, о́тче Григо́рие, спасти́ся душа́м на́шим.

Кондак, глас 3:

Богосло́вным язы́ком твои́м сплете́ния ри́торская разруши́вый, сла́вне, правосла́вия оде́ждею свы́ше истка́нною Це́рковь украси́л еси́, ю́же и нося́щи, с на́ми зове́т твои́ми ча́ды: ра́дуйся, о́тче, богосло́вия у́ме кра́йнейший.