Блог Ирины.

Тропарь, глас 3:

Апо́столе святы́й и Евангели́сте Ма́рко, моли́ Ми́лостиваго Бо́га, да прегреше́ний оставле́ние пода́ст душа́м на́шим.

Ин тропарь, глас 3:

У верхо́внаго Петра́ научи́вся, апо́стол Христо́в был еси́ и, я́ко со́лнце страна́м возсия́л еси́, Александри́ом удобре́ние быв, блаже́нне: тобо́ю Еги́пет от пре́лести свободи́ся, ева́нгельским твои́м уче́нием просве́щ вся, я́ко свет, столп церко́вный. Сего́ ра́ди твою́ па́мять чту́ще, све́тло пра́зднуем, Ма́рко, Богогла́се, моли́ тобо́ю благовести́маго Бо́га, да согреше́ний оставле́ние пода́ст душа́м на́шим.

Кондак, глас 2:

С высоты́ прии́м благода́ть Ду́ха, ри́торская плете́ния разруши́л еси́, апо́столе, и, язы́ки вся улови́в, Ма́рко всесла́вне, твоему́ Влады́це приве́л еси́, Боже́ственное пропове́дав Ева́нгелие.

Тропарь, глас 4:

Почерпе́м, челове́цы, цельбы́ душа́м и те́лом моли́твою, Река́ бо всем предтече́т – Пречи́стая Цари́ца Богоро́дица, источа́ющи нам чу́дную во́ду и измыва́ющи серде́ц че́рности, грехо́вныя стру́пы очища́ющи, ду́ши же освяща́ющи ве́рных Боже́ственною благода́тию.

Ин тропарь, глас 2:

Исто́чник еси́ вои́стинну воды́ живы́я, Влады́чице, неду́ги бо душ и теле́с лю́тыя прикоснове́нием еди́ным Твои́м измыва́еши, Во́ду спасе́ния Христа́ излива́ющи.

Ин тропарь, глас 4:

Днесь притеце́м ве́рнии к Боже́ственному и цельбоно́сному о́бразу Пресвяты́я Богоро́дицы, излия́вшия ка́пли своих излия́ний, и лю́дем ве́рным чуде́с показа́вшия, я́же мы ви́дяще и слы́шаще, духо́вно пра́зднуем и любе́зно вопие́м исцели́ти на́ши неду́ги и стра́сти, я́коже и каркинския и тьмочи́сленныя стра́сти исцели́ла еси́. Те́мже мо́лим Тя, Де́во Пречи́стая, моли́ воплоще́ннаго из Тебе́ Христа́ Бо́га на́шего спасти́ся душа́м на́шим.

Кондак, глас 8:

От неистощи́мыя Ты, Исто́чниче Богоблагода́тный, подае́ши ми, точа́щи, во́ды Твоея́ благода́ти, приснотеку́щий па́че сло́ва, я́ко бо Сло́во ро́ждшая па́че смы́сла, молю́тися, ороси́ мя благода́тию, да зову́ Ти: ра́дуйся, Водо́ спаси́тельная.

Молитва

О Пресвята́я Де́во, Всеми́лостивая Госпоже́ Влады́чице Богоро́дице, Живоно́сный Исто́чник Твой, целе́бные да́ры на здра́вие душ и теле́с на́ших и на спасе́ние ми́ру точа́щий, подала́ еси́ нам, те́мже благода́рни су́ще усе́рдно мо́лим Тя, Цари́це Пресвята́я: моли́ Сы́на Твоего́ и Бо́га на́шего да́ти нам оставле́ние прегреше́ний и вся́кой душе́ скорбя́щей и озло́бленней ми́лость и утеше́ние, и от бед, скорбе́й и боле́зней свобожде́ние. Пода́ждь, Госпоже́, (храму сему и) сим лю́дем покрове́ние (и святе́й оби́тели сей соблюде́ние), гра́ду сохране́ние, стране́ на́шей от напа́стей избавле́ние и огражде́ние, да ми́рное зде поживе́м житие́, и в бу́дущем ве́це сподо́бимся ви́дети Тебе́, Засту́пницу на́шу, во сла́ве Ца́рствия Сы́на Твоего́ и Бо́га на́шего, Ему́же сла́ва и держа́ва со Отце́м и Пресвяты́м Ду́хом во ве́ки веко́в. Ами́нь.

ХРИСТОС ВОСКРЕСЕ!

Чтимая икона Богоматери находилась в константинопольском монастыре Перивлептос («Прекрасных видов»), расположенного на пути к Золотым воротам неподалеку от Студийского монастыря. Монастырь был основан императором Романом Аргиром (1034 год), возобновлен в 1261 – 1282 годах. Обитель владела многими известными христианскими реликвиями, в XIV веке ее посещали русские паломники, один из них дьяк Александр, побывавший между 1391 и 1397 годами (вероятно, около 1395 года). Он единственный из всех паломников сообщает, что в монастыре Перивлептос (помимо мощей многих святых) "есть икона святей Богородици, что поколол жидовин в шахматной игре, и изошла кров, и ныне знати кров". Раненная иудеем икона находилась также в Софийском соборе Константинополя, она была чтимой святыней столицы. Возможно, икона из монастыря Перивлептос имела какое-то отношение к святыне из Софийского собора, но более обоснованным считается мнение, что это были две разные иконы.

Святыня константинопольского монастыря Перивлептос утрачена. Но благодаря иконе Богоматери Перивлепты, происходящей из охридского монастыря с тем же названием – Перивлептос (церковь освящена в 1295 году) – можно составить представление об иконографии святыни. Охридскую икону Богоматери с надписью "Перивлепта" Н. П. Кондаков считал "получившей свое имя от известного в летописях византийской столицы монастыря". В конце XIII – XIV веке, в константинопольском монастыре Перивлептос, вероятно, имелись списки с местночтимого образа, на которых кровоточащая рана уже не изображалась. Охридская икона Богоматери Перивлепты начала XIV века могла быть прямым списком либо самого чтимого образа (но без изображения кровоточащей раны), либо копией одного из тех списков, на которых рана не показана.

Важное место среди Богородичных икон, восходящих к святыне константинопольского монастыря Перивлептос, занимает небольшая икона XIV века из собрания музея-заповедника "Московский Кремль". Другой чтимый список – византийская икона последней четверти XIV века из Сергиево-Посадского музея-заповедника. К этой иконографии относится также Богоматерь Одигитрия (около 1397 года, собрание Третьяковской галереи) – моленный образ преподобного Кирилла Белозерского, по преданию принесенная из московского Симонова монастыря, в отличие от описанных икон она является работой русского (московского) художника конца XIV века и повторяет не саму царьградскую святыню или ее список из константинопольского монастыря Перивлептос.

Авторы:

Жанна Григорьевна Белик,

кандидат искусствоведения, старший научный сотрудник музея имени Андрея Рублева, хранитель фонда темперной живописи.

Ольга Евгеньевна Савченко,

научный сотрудник музея имени Андрея Рублева.

Тропарь, глас 5:

Ра́дуйся, Богоневе́сто, же́зле та́йный, Цвет Неувяда́емый процве́тший, ра́дуйся, Влады́чице, Е́юже ра́дости наполня́емся и жизнь насле́дствуем.

Ин тропарь, глас 5:

Преблагослове́нная Богоро́дице Де́во, покланя́емся Твое́му Пречи́стому о́бразу, Тебе́ пое́м хвале́бную песнь, Тебе́ прино́сим ну́жды, го́ре и сле́зы, Ты же, о кро́ткая Засту́пница на́ша, Тебе́ так близки́ земны́я печа́ли. Приими́ на́ша воздыха́ния. Помози́ нам и от бед спаси́. Неуста́нно бо и со умиле́нием да зове́м Ти: ра́дуйся, Ма́ти Бо́жия, Цве́те неувяда́емый.

Кондак, глас 6:

Предста́тельство христиа́н непосты́дное, хода́тайство ко Творцу́ непрело́жное, не пре́зри гре́шных моле́ний гла́сы, но предвари́, я́ко Блага́я, на по́мощь нас, ве́рно зову́щих Ти; ускори́ на моли́тву и потщи́ся на умоле́ние, предста́тельствующи при́сно, Богоро́дице, чту́щих Тя.

Божией Матери пред иконой «Тучная Гора»
Тропарь, глас 4:

К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны милосе́рдовавши, потщи́ся, погиба́ем от мно́жества прегреше́ний, не отврати́ Твоя́ рабы́ тщи, Тя бо и Еди́ну наде́жду и́мамы.

Кондак, глас 6:

Предста́тельство христиа́н непосты́дное, хода́тайство ко Творцу́ непрело́жное, не пре́зри гре́шных моле́ний гла́сы, но предвари́, я́ко Блага́я, на по́мощь нас, ве́рно зову́щих Ти: ускори́ на моли́тву и потщи́ся на умоле́ние, предста́тельствующи при́сно, Богоро́дице, чту́щих Тя.

Величание:

Велича́ем Тя, Пресвята́я Де́во, Богоизбра́нная Отрокови́це, и чтим о́браз Твой святы́й, и́мже то́чиши исцеле́ния всем с ве́рою притека́ющим.

Молитва:

О, всемилостивая Владычице наша Пресвятая Богородице Марие! Призри на ны погибающия рабы Твоя, бехом бо мы мерзкия, бехом бо мы блудныя, бехом бо мы злоречивыя, а паче всего гордыя, ныне же видехом всю мерзость нашу пред очесами Господа и уже несмь достойны предстати пред лицем Его, и токмо Тя Владычице, яко Многомилостивую себе Заступницу призываем. О Мати Божия, во гресех сущих не остави нас. Надеждо наша несумненная, обнови нас в покаянии, возстави ко исполнению заповедей Божиих, учини нас в Церкве Святей и сотвори достойными Святаго Причастия Животворящим и Божественным и Страшным Тайнам; Ты бо присно молиши за ны Сына Своего и Бога, вемы яко много бо может моление матернее. И да испроси у Христа Бога здравия нам телесного, и яко Милостивая, облагодати души наша, посли мир и благое поспешение всем ближним нашим, призри на град наш хранимый покровом Твоим, емуже яви скорое заступление от чудотворныя и благолепныя святыя Твоея иконы, юже ныне благодарне лобызаем, и сохрани его и вся инии гради и веси и весь род православный от всяких напрасных бедствий; и отрази ересей нашествие от язык иноплеменных на нас находящия, расколы разори, распри и иныя разделения в Церкви Божией, яко елеем Твоим целебным, любовию нелицемерной умастив, надежно управи, да мирное и благочестивое житие будет в удел нам, и да сподобимся добрыя глаголы от Сына Твоего и Судии нашего слышати под Судом Его правым, Ему же слава и честь и поклонение со Безначальным Его Отцем и Всеблагодатным Его Духом ныне и присно и во веки веков. Аминь.

Поми́луй мя, Бóже, по вели́цей ми́лости Твоéй, и по мнóжеству щедрóт Твои́х очи́сти беззакóние моé. Наипáче омы́й мя от беззакóния моегó, и от грехá моегó очи́сти мя; я́ко беззакóние моé аз знáю, и грех мой прéдо мно́ю есть вы́ну. Тебé еди́ному согреши́х и лукáвое пред Тобóю сотвори́х; я́ко да оправди́шися во словесéх Твои́х, и победи́ши внегдá суди́ти Ти. Се бо в беззакóниих зачáт есмь, и во гресéх роди́ мя мáти моя́. Се бо и́стину возлюби́л еси́; безвéстная и тáйная прему́дрости Твоея́ яви́л ми еси́. Окропи́ши мя иссóпом, и очи́щуся; омы́еши мя, и пáче снéга убелю́ся. Слу́ху моему́ дáси рáдость и весéлие; возрáдуются кóсти смирéнныя. Отврати́ лицé Твоé от грех мои́х и вся беззакóния моя́ очи́сти. Сéрдце чи́сто сози́жди во мне, Бóже, и дух прав обнови́ во утрóбе моéй. Не отвéржи менé от лицá Твоегó и Ду́ха Твоегó Святáго не отыми́ от менé. Воздáждь ми рáдость спасéния Твоегó и Ду́хом Влады́чним утверди́ мя. Научу́ беззакóнныя путéм Твои́м, и нечести́вии к Тебé обратя́тся. Избáви мя от кровéй, Бóже, Бóже спасéния моегó; возрáдуется язы́к мой прáвде Твоéй. Гóсподи, устнé мои́ отвéрзеши, и устá моя́ возвестя́т хвалу́ Твою́. Я́ко áще бы восхотéл еси́ жéртвы, дал бых у́бо: всесожжéния не благоволи́ши́. Жéртва Бóгу дух сокрушéн; сéрдце сокрушéнно и смирéнно Бог не уничижи́т. Ублажи́, Гóсподи, благоволéнием Твои́м Сиóна, и да сози́ждутся стéны Иерусали́мския. Тогдá благоволи́ши жéртву прáвды, возношéние и всесожегáемая; тогдá возложáт на олтáрь Твой тельцы́.